Pinag-uusapan na ang posibleng pagbabago ng liderato ng Senado.
Ito ang kinumpirma ni Senador Nancy Binay na nagpupulong silang mga senador na kasapi ng Majority Bloc sa tahanan ni Senador Juan Miguel Zubiri.
Ayon kay Binay, ang pagbabago ng liderato ay dahil maghahanda na sa kaniyang kandidatura si Senate President Koko Pimentel para sa re-election sa 2019.
Kasabay nito inamin ni binay na nakay senador tito sotto ang kaniyang suporta bilang kapalit ni pimentel.
Una na rito ang naging usap-usapan na may kasunduan na sina Pimentel at Sotto hinggil sa palitan ng termino bilang pinuno ng Senado na agad namang pinabulaanan ng dalawa.
Gayunman, sinabi ni Sotto na hindi niya tatanggihan ang puwesto sakaling ipagkatiwala ito sa kaniya ng mga kapwa senador.
—-
