Dumipensa ang PNP o Philippine National Police sa sinasabing overkill na seguridad sa SONA o State of the Nation Address ng Pangulong Noynoy Aquino.
Ayon kay Chief Supt. Wilben Mayor, Spokesman ng PNP, hindi pwedeng sukatin sa numero ang kailangang mga pulis para mapanatili ang kaayusan at kapayapaan sa isang sitwasyon.
Maliban sa libo-libong mga pulis, ginamit ring pambarikada sa island na naghahati sa north at southbound ng Commonwealth ang mga barikada na ginamit noon sa pagbisita ng Santo Papa at tinakpan pa ng mga container vans ang lahat ng u-turn slots.
“Ang ating intensyon ay panatilihin ang katahimikan at kaayusan, at inilalagay natin ang ating mga security personnel natin ayon na rin sa intensyon na ito, at ‘yung peace and order situation sa isang lugar ay hindi natin puwedeng i-quantify sa numero dahil kung kinakailangan ay ilagay natin ang ganung numero ng pulis para masiguro natin na tahimik ang isang lugar.” Pahayag ni Mayor.
By Len Aguirre | Kasangga Mo Ang Langit