Nakapagbayad na ng P800-M ang PhilHealth mula sa P1.1-B na utang nito sa Philippine Red Cross.
Ipinabatid ito ni Senador Richard Gordon, chairman at chief executive officer ng PRC.
Ayon kay Gordon, P400-M pa ang natitirang utang ng PhilHealth sa PRC matapos una na rin itong magbayad ng P500-M at sinundan ng tatlong tig P100-M pa.
Nadadagdagan aniya ang utang ng PhilHealth dahil nag resume na ang PRC ng COVID-19 testing kasunod na rin nang pag-uusap nila ng PhilHealth.