Umaarangkada na ang peace summit sa bayan ng Buluan sa lalawigan ng Maguindanao.
Sinasabing dadalo ngayong araw si Man Hee Lee na nagtatag ng Shinchonji Church of Jesus at isang kilalang religious leader at South Korean Peace Activist.
Ayon kay Maguindanao Governor Esmael “Toto” Mangudadatu, maliban kay Lee ay inaasahan ding dadalo ang ilang obispo, ulama, at daan-daang mga residente ng probinsiya.
Layon ng peace summit na isulong ang kahalagahan ng kapayapaan at suporta ng publiko sa BBL o Bangsamoro Basic Law.
By Jelbert Perdez
