Itinuturing na “blip” o maliit lamang ni dating Pangulong Gloria Macapagal Arroyo ang pagbagsak ng net satisfaction rating ni Pangulong Rodrigo Duterte sa ikatlong bahagi ng taon.
Ayon kay Arroyo, walang dapat ikabahala ang Pangulong Duterte dahil hindi nangangahulugan na humina ang suporta ng publiko sa pagbagsak ng rating nito.
Giit pa ni Arroyo, ginawa ang survey sa kasagsagan ng kontrobersiya sa extrajudicial killings kaya posibleng nakaapekto ito.
Dagdag pa ng dating Pangulo na normal lang ang pagtaas at pagbaba ng approval ratings ng isang Pangulo sa kabuuang termino nito.
Kaya naman payo ni Arroyo kay Duterte, ituloy lang ang trabaho dahil ang tungkulin ng isang Pangulo ay hindi ang gumawa ng mga popular na desisyon kundi kailangang nakabase ito sa kung ano ang makabubuti sa nakararami.
—-