Binatikos ng Kontra Daya Movement ang ginagawang pag-eendorso ni Pangulong Beningo Aquino III sa mga kandidato ng Liberal Party (LP).
Ayon kay Kontra Daya Movement Convenor Prof. Danilo Arao, hindi dapat ginagawa ng mga incumbent official gaya ng Pangulo ang pag-eendorso ng mga kandidato.
Sinabi pa ni Arao na maging ang mga political appointee na mga government employee ay hindi dapat ginagamit sa pangangampanya ng mga kandidato.
Dapat aniyang maging neutral ang lahat ng mga government employee.
“Yung neutrality during elections puwede namang mangyari yan sa gobyerno sapagkat ikaw nga ay dapat na naglilingkod sa sambayanan pero ang paglilingkod na ito ay dapat na ginagawa ng lahat ng mga nasa posisyon, mapa-rank and file ka man, civil service ka, mapa-career official o kahit na ikaw ay political appointee.” Pahayag ni Arao.
By Mariboy Ysibido | Balitang Todong Lakas
