Lumaki pa ang pag-asa ng pamilya ni Mary Jane Veloso na makakaligtas ito sa parusang kamatayan sa Indonesia at makakauwi na sa Pilipinas.
Ayon kay Darling Veloso, kapatid ni Mary Jane, bumilis na ang takbo ng kaso laban kina Maria Cristina Sergio at Julius Lacanilao, ang mga di umano’y illegal na nagrecruit kay Mary Jane at hinihinalang may pakana ng illegal drugs na nakita sa bagahe nito pagdating sa Indonesia.
Dagdag pa anya rito ang pagtiyak ng Pangulong Rodrigo Duterte na kakausapin nya si Indonesian President Widodo para mailigtas si Mary Jane.
Gayunman, inamin ni Darling na nalungkot sila sa pahayag ng Pangulo na igagalang niya sakaling hindi mapagbigyan ni Pangulong Widodo ang kanyang kahilingan.
Bahagi ng pahayag ni Ms. Darling Veloso
By Len Aguirre | Ratsada Balita
