Ipagbabawal na ng gobyerno ang pagtatayo ng sariling poste ng mga telecommunications company.
Ito ay sa nahaharap na pagpapatupad ng common tower policy sa unang bahagi ng 2019.
Ayon kay Presidential Adviser on Economic Affairs Ramon “ RJ” Jacinto, layon nitong mapabuti ng mga telcos ang kanilang serbisyo, mapababa ang singil at mabuksan ang daan para sa pagdating ng third party sa industriya.
Hindi na kinakailangan ng mga telcos na kumuha ng maraming permit at gumastos sa pagpapatayo ng poste dahil maari na silang mag – lease o umupa sa mga private tower companies na siyang mamahala sa mga poste.