Pinalagan ni Social Welfare and Development Secretary Dinky soliman ang balitang itatago umano nila ang mga mahihirap at palaboy sa Metro Manila.
Ito’y sa sandaling magsimula na ang Asia Pacific Economic Cooperation o APEC Summit sa susunod na buwan.
Paliwanag ni Soliman, hindi nila itatago ang mga palaboy sa panahon ng APEC sa halip, isasama sila sa mga aktibidad bilang bahagi ng pagdiriwang ng National Children’s Month sa Nobyembre.
Giit pa ng kalihim, tungkulin ng pamahalaan na ilayo sa anumang kapahamakan ang mga mahihirap na Filipino at tiyakin na nabibigyan ang mga ito ng sapat na tulong tulad ng pabahay, edukasyon at serbisyong medical.
Ginawa ng kalihim ang pahayag kasunod ng naging pagbubunyag ng isang militanteng mambabatas na muling itatago ng DWSD ang mga palaboy sa Metro Manila tulad ng ginawa nito nang bumisita sa bansa si Pope Francis noong Enero.
By: Jaymark Dagala