Nangako si outgoing Foreign Affairs Secretary Jose Rene Almendras na pa-plantsahin niya ang proseso sa pagkuha ng passport bago siya tuluyang bumaba sa pwesto.
Bagamat aminado si Sec. Almendras na may kabagalan pa rin ang passport application, binigyang diin nito na may mga isinasagawa na silang hakbang upang mas mapabilis ito.
Ayon kay Sec. Almendras, batid niya ang reklamo ng ilang kumukuha ng passport kung saan kailangan pang maghintay ng dalawang buwan bago tuluyang makapagpa-reserve ng slot para sa passport application appointments.
Kaya naman, simula sa Hunyo a-uno ay ipatutupad na ng DFA ang panuntunan kung saan nakasaad na kung hindi magpapakita ang isang nagpa-appointment ay hindi na ito makapag-a-apply ng slot.
By: Meann Tanbio
