Sinimulan na ngayong araw ang pagkakaloob ng libreng sakay Mula North Luzon Express Terminal (NLET) patungong Araneta Center Cubao at mula NLET patungong Parañaque Integrated Terminal Exchange (PITX).
Ayon sa Land Transportation Franchising and Regulatory Board (LTFRB), mula kaninang ala-una ng madaling araw hanggang mamayang hatinggabi ay maaaring makapag-avail ng libreng sakay.
Tiniyak ng LTFRB na sapat ang bilang ng mga sasakyan para sa mga pasahero na sumasakay sa NLET papunta at palabas ng Metro Manila.
Samantala, patuloy rin ang pagbibigay ng libreng sakay ng EDSA Busway Carousel mula alas-4 ng umaga hanggang alas-11 ng gabi.
Sinabi pa ng LTFRB na asahang mas marami pang ruta ang bubuksan at mas maraming public utility vehicles (PUV) na idedeploy para sa libreng sakay.
