Inihayag ng pamunuan ng MRT-3 na nadagdagan ng isa ang bilang ng mga bagong gawa na bagon o train cars sa kanilang sistema.
Dahil dito, umakyat na sa 51 ang kabuuang bilang ng mga ito.
Nabatid na sa kabuuan ay 21 na lamang ang naka-schedule na ma-overhaul ng maintenance provider ng linya na Sumitomo.
Mabilis, komportable, at presko na rin ngayon ang biyahe sa mga bagong gawang bagon na dumaan sa serye ng mga speed at quality tests upang matiyak ang kalidad at kaligtasan ng mga pasahero.
Maliban dito, nakatutulong din ang pagdaragdag ng bilang ng mga operational train car ng MRT-3 sa pagpapataas ng line capacity nito.
