Iminungkahi ni Senator Nancy Binay sa Senado na isama ang pagliligtas sa mga hayop pagbuo ng Disaster Risk Reduction Plan.
Layon ng Senate Resolution 295 na matiyak at mabibigyang proteksyon din sa mga kalamidad ang mga hayop.
Kaugnay nito, nais ipasiyasat ng senadora ang kalagayan ngayon ng mga hayop na naiwan sa pagsabog ng bulkang Taal.
Ipinabatid din ni Binay na umapela sa kaniya ang grupong Save Animals of Love and Light ng pagkakaroon ng animal evacuation at rehabilitation.
Nakapaloob na umano rito ang pagkakaroon ng sistema kung saan kukuha ng mga volunteer para mag-alaga sa mga hayop gayundin ang pagbiyahe sa mga ito patungong evacuation center kapag may kalamidad.