Labag umano sa batas ang pagkansela ng Securities and Exchange Commission (SEC) sa ‘license to operate’ ng news site na Rappler.
Ayon sa Center for International Law o CenterLaw, ang desisyon ng SEC ay katumbas ng ipinapataw na ‘censorship on speech’ ng gobyerno.
Mayroon umanong kakulangan ng due process bukod pa sa hindi patas na trato ng SEC sa nabanggit na media outfit.
Ipinunto ng CenterLaw na binigyang oportunidad muna dapat ng SEC ang Rappler upang itama ang kanilang ownership structure sa halip na puntiryahin ang mismong operasyon nito.
Magugunitang inihayag ng SEC na nilabag ng rappler ang Article 16, Section 11 ng konstitusyon o media ownership dahil pag-aari umano ng dayuhan ang naturang media entity.
