Hihina pa ang tsansang mabuhay ang peace negotiations dahil sa pagkakasangkot umano ng NPA sa kidnapping.
Ayon ito kay PNP Chief Director General Ronald Bato Dela Rosa matapos maaresto si Donato Jacob, lider ng Sandatahang Unit Propaganda ng NPA sa Bulacan dahil sa pagkakasangkot sa pagdukot sa isang Raziel Bungay sa Biñan, Laguna nuong December 2017.
Sinabi ni Dela Rosa na isang seryosong kaso ang ginagawang kidnapping ng NPA dahil kabaligtaran ito ng paniniwala sa ipinaglalaban ng grupo.
Ang kaso aniya ni bungay ay kauna unahang nanghingi ng ransom ang NPA taliwas sa mga nakalipas na panahong pagdukot ng mga rebelde sa mga pulis at sundalo na walang ransom.
Pagkakasangkot ng NPA sa kidnap for ransom activity isang Fake News – CPP Founder Joma Sison
Itinanggi ni CCP Founder Jose Maria Sison ang pagkakasangkot ng NPA sa kidnap for ransom activities.
Tinawag na cheap military Psywar ni Sison ang aniya’y alegasyon ni PNP Chief Director General Ronald Bato Dela Rosa na sangkot ang mga rebelde sa pangingidnap.
Sinabi ni Sison na kahit kailan ay hindi nasangkot ang NPA sa anumang kidnap for ransom activity na aniya’y labag sa kanilang prinsipyo at programa para sa People’s Democratic Revolution.
Ayon pa kay Sison ang ipinalalabas ni Bato ay isang fake news at fake claims mula sa war machinery ng Gobyernong Duterte.
Una nang iniharap sa media ni Dela Rosa si Donato Jacob, lider ng Sandatahang Unit Propaganda ng NPA na inaresto dahil sa pagdukot umano sa isang Raziel Bungay sa Binian, Laguna.
Tinagurian naman ni Sison si Jacob bilang NPA impostor.
Posted by: Robert Eugenio
