Doble-pasakit ang inabot ng ilang residente ng Lubang Island, sa Occidental Mindoro makaraang yanigin ng magnitude 6.6 na lindol na sinabayan ng malakas na pag-ulang dulot ng Habagat.
Katapat lamang ang isla ng Calatagan, Batangas kung saan naitala ang sentro ng pagyanig, kaninang alas-4:49 ng madaling araw.
Ayon kay Lubang Mayor Michael Orayani, may mga ilang lumang bahay na gumuho sa bahagi ng Barangay Maligaya at bagong sikat habang isang riverwall ang bumigay sa Barangay Vigo.
Patuloy anya ang pag-iikot ang mga lokal na opisyal ng Lubang Island upang mabatid kung gaano kalaki ang naging pinsala sa Isla. —sa panulat ni Drew Nacino
