Hindi hiniling ng Estados Unidos kay Pangulong Rodrigo Duterte na pagkaloob nito ng pardon si U.S. Marine Lance Corporal Joseph Pemberton.
Ito ang iginiit ni Foreign Affairs Secretary Teddy Locsin Jr.
Sinabi ni Locsin, sa katunayan aniya ay ikinagulat pa ni U.S. Ambassador to the Philippines Sung Kim ang pasiya ni Pangulong Duterte na bigyan ng absolute pardon sa U.S. Marine na nahatulan dahil sa pagpatay kay Jennifer Laude.
Inihayag naman ng kalihim na posible nang agad mapalaya si Pemberton dahil natapos na aniya kagabi ang pagsasaayos sa mga dokumento kaugnay ng pardon nito.
Si Locsin ay tumatayo rin bilang chairperson ng Presidential Commission on Visiting Forces na siyang nangangasiwa sa presensiya ng puwersa militar ng Estados Unidos sa Pilipinas kaugnay ng mga isinasagawang joint exercises sa bansa.