Naghahanda na ang Department of Public Works and Highways o DPWH sa paghukay sa Manila Bay.
Naglagay na ng harang ang DPWH sa bay walk sa kahabaan ng Roxas Blvd. para walang makapag-swimming at naglagay na rin ng isang ramp para sa amphibious excavator.
Ayon sa DPWH, nagsagawa na sila ng bathymetric o pagsukat sa lalim ng tubig at ocular inspection para sa Manila Bay at Navotas River.
Kabilang sa tinukoy na dredging sites ng DPWH ang Navotas River, Estero de Vitas sa Tondo at 100 metro mula sa Pampanga ng Manila Bay at mula sa Manila Yacht Club patungong US Embassy.
—-
