Tiniyak ng pamunuan ng PAGCOR na kanilang bibigyan ng tulong ang mga naulila ng limang nasawi sa sunog sa Manila Pavillion Hotel sa Ermita, Maynila
Ayon kay PAGCOR Assistant Vice President for Communications Carmelita Valdez, pagkakalooban ng ahensya ng tig-isandaang libong piso (P100,000) ang bawat pamilya ng mga biktima.
Sinabi din ni Valdez na hindi pababayaan ng ahensya ang mga nakaligtas na empleyado ng PAGCOR sa Manila Pavilion at ililipat lamang ang mga ito para makapag-patuloy pa rin ng kanilang hanapbuhay.
Ipinabatid din ni Jimmy Bondoc, Vice President for Corporate Social Responsibility Group na matapos ang insidente ay agad na naglabas ng inisyal na tulong at sariling pera nito si PAGCOR chairperson Andrea Domingo.
Bukod dito, ipinag-utos din umano ni Domingo na bigyan ng mapagkakakitaan ang mga kawani na apektado ng naturang trahedya.