Tila ikinatuwa ng Samahan ng Industriya ng Magsasaka (SINAG) ang pagbibitiw sa posisyon ni Agriculture Secretary Manny Piñol.
Pinuna ni Rosendo So ng SINAG ang kabiguan ni Piñol na ipatupad ang mga nararapat na hakbang para huwag makapasok sa bansa ang mga karne ng baboy na posibleng kontamindo ng african swine flu.
Sa katunayan, si Piñol pa anya ang may gusto na magkaroon ng blackout sa isyu ng african swine flu.
Ayon kay So, dapat ay napagtanto ni Piñol na hindi lamang ang 258-million hog industry ang tatamaan kung kakalat sa bansa ang african swine flu kundi maging ang industry ng mais kung saan 65% ang napupunta sa hog industry bilang feeds.
Una rito, nagsumite na ng kanyang courtesy resignation si Piñol at nagpahiwatig ng kagustuhang mailipat sa Mindanao Development Authority.
Sana na-in place ‘yung mga deputize na tao ng Philippine Coast Guard kaya ang gusto yata ng DA is sila ‘yung maghahandle, so, ‘yon, hindi natuloy ‘yung programa na ‘yan. So, ‘yun ang suggestion ng senate, e. Dapat may communication sa mga agency, tignan nalang natin, buong Pilipinas di ba naikot na ni Secretary Manny Piñol, pero bakit ‘yung mga mayor, ‘yung mga LGU walang masyadong knowledge dito sa african swine fever. ‘Yung meeting sa mga LGUs eh ngayon pa lang naguumpisa after 10 months,” ani So.
Balitang Todong Lakas Interview
