Humabol pa ng conditioning training si ‘Pambansang Kamao’ Manny Pacquiao bago ang kanyang laban.
Ayon sa kampo ni Pacquiao, ganadong ganado ang fighting senator at kuntento sila sa kanilang mga paghahanda para matalo ang Argentine boxer na si Lucas Matthysse.
Mahigpit umano nilang pinag-aralan ang mga galaw at mga dating laban ni Matthysse para makontra ito pagdating sa mismong laban.
Nitong kakatapos lamang na weigh-in, tumimbang si Pacquiao ng 146 pounds habang si Matthysse ay tumimbang ng 146.7 pounds.
Dahil dito, kapwa pasok ang timbang ng dalawang boksingero sa 147-pound limit.
Inaasahan namang nasa 16,000 katao ang dudumog sa laban ng dalawa sa Kuala Lumpur, Malaysia.
Kabilang sa mga libu-libong magtitipon-tipon sa arena ang maraming pulitiko mula sa Pilipinas at Malaysia maging sa iba pang panig ng mundo.
Inaasahan namang kapwa manonood ng laban sina Pangulong Rodrigo Duterte kasama ang bagong upong Prime Minister ng Malaysia na si Mahathir Mohamad.
#IZSports
JUST IN: Weigh-in sa bakbakang #PacquiaoMatthysse, natapos na; Manny Pacquiao, tumimbang ng 146 pounds habang si Lucas Matthysse ay tumimbang ng 146.7 pounds. | (Photo: AP) pic.twitter.com/97gauTGLg2— DWIZ Newscenter (@dwiz882) July 14, 2018
