Pinadadagdagan ng Department of Environment and Natural Resources o DENR ang sinisingil na environmental fee para sa mga turistang papasok sa isla ng Boracay.
Ito’y ayon kay DENR Secretary Roy Cimatu, layon ng sampung pisong (P10) dagdag sa environmental fee na matugunan ang gastusin para sa waste water treatment sa isla.
Dagdag pa ng kalihim, masyado aniyang mababa ang pitumpu’t limang pisong (P75) environmental fee na sinisingil para sa Boracay subalit kanila pang titingnan kung magkano ang magiging gastusin sa water treatment.
Nananatiling mataas ang fecal coliform level sa Bolabog beach kung saan matatagpuan ang mga tubo na naglalabas ng maruming tubig sa dagat na siyang dahilan para ideklara ang state of calamity sa lugar.
