Muli na namang magtataas ang mga kumpaniya ng langis sa kanilang mga produktong petrolyo Bukas, Enero 9.
Ayon sa source ng DWIZ sa industriya ng langis, tinatayang nasa P0.30 hanggang P0.40 ang inaasahang umento sa presyo ng kada litro ng diesel at kerosene.
Habang nasa P0.05 lamang ang posibleng paggalaw sa presyo ng gasolina sa kada litro kaya’t posibleng wala nang magiging paggalaw dito.
Kasunod nito, ipinabatid ni Energy Assistant Secretary Bodie Pulido na may ilang kumpaniya ng langis na ang nagnanais magpatupad ng excise tax sa kanilang mga produkto.
Ito’y dahil sa ubos na umano ang kanilang lumang stocks ng langis kaya’t mahigpit nila itong babantayan upang maiwasan ang posibleng pananamantala.
—-
