Pagdurusahan ng Amerika ang ipinataw na sanctions ng United Nations sa North Korea bunsod ng mga inilunsad nitong missile testing.
Ito ang ibinabala ni North Korean Ambassador to United Nations Han Tae Song makaraang batikusin nito ang naturang resolusyon na aniya’y hindi katanggap-tanggap.
Kabilang sa mga ipinataw na parusa ng UN sa Pyongyang ang total ban sa oil imports, pagbabawal sa pag-export ng textiles at ang ban sa bagong visa sa North Korean na nagtatrabaho sa ibang bansa.
Sinasabing naipasa ang naturang resolusyon ng World Body makaraang sumang-ayon dito ang mga bansang China at Russia.
—-