NDF Chief Political Consultant Joma Sison itinangging may colon cancer siya

Tinawag na sinungaling ni NDF o National Democratic Front Chief Political Consultant Jose Maria Sison si Pangulong Rodrigo Duterte.

Ito’y makaraang ibunyag kahapon ng Pangulo na may Colon Cancer umano si Sison matapos ang kaniyang ikalawang SONA o State of the Nation Address.

Batay sa ipinalabas na pahayag ni Sison, rayuma dulot ng malamig na panahon sa the Netherlands at skin allergy ang kaniyang naging karamdaman batay sa resulta ng mga pagsusuri sa kaniya sa Utrecht University Medical Center.

Buwelta pa ni Sison, dapat si Duterte ang magpaliwanag hinggil sa kaniyang hindi pagpapakita sa publiko dahil sa tungkulin nito na ipaalam kung kaya pa nito o hindi na pamunuan ang bansa.

By: Jaymark Dagala

Comments

comments