Patuloy na tututukan ng Department of Justice o DOJ ang pagsilip sa iba pang paglabag ni COMELEC o Commission on Elections Chairman Andres Bautista hinggil sa pagkakamal umano ng mga tagong yaman.
Kaugnay ito sa reklamong isinampa laban sa Poll Chief ng misis nitong si Ginang Patricia Paz Bautista noong Agosto 1 o ilang linggo bago mabunyag ang humigit kumulang isang bilyong pisong tagong yaman umano ng opisyal.
Sa panayam ng DWIZ kay Justice Secretary Vitaliano Aguirre, sinabi nito na magagamit pa rin namang ebidensya ang anumang magiging resulta ng imbestigasyon ng NBI anuman ang maging kapalaran ni Chairman Bautista.
“But of course wala naman tayong masasayang dito, in the event na magkaroon later on ng impeachment proceedings, so lahat ng nakalap na ebidensya will be used in this proceedings, kung mawawala naman ang impeachment through resignation of the subject then the investigation will serve its purpose by continuing the investigation against a private individual.” Pahayag ni Aguirre
By Jaymark Dagala | Karambola Interview