Nasawi ang isang 13 taong gulang na batang lalaki matapos maubusan ng dugo dahil sa pagpapatuli.
Ayon sa lolo ng biktima, nagpatuli ang kaniyang apo sa medical mission na isinagawa ng Scout Royal Brotherhood Fraternity sa Zaballero sa Lucena City nitong Marso 19.
Hindi na tumitigil sa pagdurugo ang maselang bahagi ng bata kaya isinugod ito sa ospital noong Marso 21.
Binawian agad ito ng buhay kinabukasan dahilan kaya ang pagkaubos ng dugo ang inilagay sa death certificate.
Sa ngayon, nakikipag-ugnayan na ang pamilya ng biktima sa Volunteers Against Crime and Corruption at Public Attorneys Office upang mabigyan ng hustisya ang sinapit ng bata. – sa panulat ni Abby Malanday
