Pinabulaanan ng Moro Islamic Liberation Front o MILF na mga terorista ang kalaban ng militar sa Butig, Lanao del Sur.
At sa halip sinabi ni MILF Vice Chairman Ghadzali Jaafar na ito ay mga Moro na galit sa pamahalaan at sa paraan nang paghawak nito sa usaping pangkapayapaan.
Ani Jaafar, puro pangako lamang kasi aniya ang gobyerno hinggil sa peace negotiation na lagi namang napapako.
Samantala, sinabi naman ni Major Filemon Tan, Tagapagsalita ng Western Mindanao Command na ang grupong kalaban ng militar ay pinamumunuan ng magkapatid na sina abdullah at omar maute.
Ang magkapatid umano ay sinasabing nauugnay sa jemaah islamiyah na isang teroristang grupo sa timog Silangang Asya.
May mga ulat din na ang maute group ay tinutulungan umano ng mga tagasuporta ng Islamic State of Iraq at Syria o ISIS.
By: Allan Francisco
