AFP tinututukan na ang posibilidad na nakakaranas ng combat stress ang mga sundalo sa Marawi
Tinututukan na ng AFP o Armed Forces of the Philippines ang mga posibilidad na nakararanas na ng combat stress ang mga sundalo sa Marawi City.
Ito ay ayon kay AFP Public Affairs Office Chief Colonel Edgard Arevalo matapos lumabas ang ulat na nasangkot sa kaso ng verbal abuse at murahin ng isang sundalo ang ilang sibilyan sa Marawi City.
Ani Arevalo, hindi maaalis ang posibilidad na dumaraan na sa combat stress ang mga sundalo dahil sa haba na ng bakbakan sa nasabing lungsod.
Pagtitiyak pa ni Arevalo may mga programa nang inilatag ang AFP at mga propesyunal na tutmutulong sa mga sundalong nakararamdam na ng stress.
