Obligado ang mga pulis na mag a-apply sa drug enforcement group ng Philippine National Police o PNP na magsumite muna ng payslip.
Kabilang ang kopya ng pay-slip sa mga dokumentong hihingin sa mga pulis na nais pumasok sa PNP drug enforcement group o PDEG.
Ito, ayon kay PDEG Spokesman Supt. Enrico Rigor, ay para malaman kung matutukso ba sa pera ang mga aplikanteng pulis at matiyak na walang drug case ang mga ito.
Sobra anyang tindi ng ginagawa nila ngayong proseso sa recruitment sa PDEG.
Intelligence group na ang nagsasagawa ng background check sa bawat aplikante kung saan maging sa probinsyang kinalakhan ng mga ito ay pupuntahan at susuriin.
By Drew Nacino |With Report from Jonathan Andal