Nangunguna ang mga Pinoy na pinaka-aktibong gumagamit ng social media sa buong mundo.
Ito ay batay sa 2018 Global Digital Report kung saan nangunguna ang mga Pinoy sa may pinakamaraming oras na ginugugol sa social media o nag-o-online.
Sa 105 milyong populasyon, 67 milyon dito ang babad sa social media na tumatagal ng higit sa apat na oras.
Pumangalawa naman sa Pilipinas ang Brazil na may tatlong oras at tatlumput siyam na minutong ginugugol sa social media.
Pangatlo naman sa listahan ang Indonesia at pang-apat ang Thailand.
Samantala, ayon naman sa datos ng similar-web, nangunguna pa rin ang Facebook sa pinaka-binibisitang website sa bansa na sinundan ng Google at Youtube.
Posted by: Robert Eugenio