Pinangatawanan ni Pangulong Noynoy Aquino ang papel nito bilang pangunahing salesman ng Pilipinas sa kanyang state visit sa Japan.
Sa kanyang pagharap sa may 1,000 participants ng isang business forum, ginamit ni Pangulong Aquino ang kanyang kakayahan para hikayatin ang mga negosyanteng Hapon na mag-invest sa bansa.
Paliwanag ng Pangulo, walang mas magandang panahon para maglagak ng puhunan sa Pilipinas kundi ngayong panahong ito.
Ipinagmalaki ng Punong Ehekutibo na sa nakalipas na limang taon ay umangat ang economic growth ng Pilipinas sa 6.3 percent dahilan para ituring ang Pilipinas bilang isa sa fastest growing economy sa buong mundo.
By Jelbert Perdez | Aileen Taliping (Patrol 23)
