Umabot na tatlongpo’t dalawa (32) ang nasawi sa Palawan dahil sa pananalasa ng bagyong Vinta.
Labing tatlo (13) dito ay tukoy na ang pagkakakilanlan kung saan karamihan dito ay mangingisda.
Nawawala naman ang limangpo’t siyam (59) pang indibidwal at dalawangpo’t tatlong (23) vessel.
Nawasak din dulot ng bagyo ang mahigit isanglibo’t limang daang (1,500) bahay.
Problema pa rin ang komunikasyon at transportasyon sa ilang bahagi ng Palawan partikular sa Balabac.
Nagpapatuloy naman ang relief operation at iba pang ayuda na ibinibigay ng iba’t ibang ahensya para sa mga residenteng apektado ng bagyong Vinta.
