Nananawagan ang Department of Social Welfare and Development (DSWD) kaugnay sa karagdagang work force sa pagre-repack ng relief goods para sa mga nasalanta ng mga nagdaang bagyo.
Ayon kay DSWD Officer – in – Charge (OIC) Emmanuel Leyco, kinakailangan nila ng karagdagan pang mga tao lalo na sa night shift team na tutulong sa pagre-repack na dadalhin sa Visayas at Mindanao.
Kabilang dito ang mga residenteng naapektuhan ng nagdaang bakbakan sa Marawi.
Para umano sa mga nais tumulong o mag – volunteer sa DSWD ay mangyaring makipag – ugnayan lamang kay Ms. Sophie Mendiola sa mga numerong 553 – 9864 o sa 0930 – 766 – 9595.
