Umabot na sa 89,000 ang nagsumite ng aplikasyon para sa Balik Probinsiya Program ng pamahalaan.
Ayon kay National Housing Authority (NHA) General Manager at executive director ng ‘Balik Probinsya, Bagong Pagasa’ Program na si Marcelino Escalada Jr., may mga nagsumite ng aplikasyon online at mayroon din namang personal.
Aniya, nasa 79,000 ang nagsumite online habang 10,000 naman ang personal na nagtungo sa kanilang tanggapan.
Ilan umano sa mga probinsya na uuwian ng mga ito ay ang Leyte, Samar, Negros Occidental, Northern Samar, Camarines Sur, Eastern Samar, Zamboanga Del Norte, Zamboanga Del Sur at Lanao Del Norte.
Sa ika-11 ng Hunyo umano nakatakdang umuwi ang ikalawang batch ng benepisyaryo ng nasabing programa.