Mga mag-rarally sa araw ng SONA di umano hahadlangan ng gobyerno

Hindi makikialam o hahadlang  ang   gobyerno sa  mga  nakalinyang  rally  at kilos  protesta  ng  mga  militanteng  grupo sa  ikalawang State  of  the  Nation Address  ni Pangulong  Rodrigo Duterte  sa  Lunes.

Ayon kay Pangulong Duterte,  malaya  ang  mga  militante  na  magdaos  ng  kilos  protesta at  anumang aktibidad dahil mayroon namang demokrasya sa  bansa.

Aminado ang punong ehekutibo na isa  siya  sa  mga tagpagtaguyod  ng  kalayaan  para  mailabas  ang  mga  hinaing sa  gobyerno kaya’t  walang  hahadlang  sa  mga  ito.

Gayunman, may pakiusap ang  Pangulo sa  mga  raliyista at ito ay iwasang lumabag sa  batas at  humarang sa  traffic at maka-aasang  walang  makikialam sa  kanilang  mga aktibidad.

By: Drew Nacino  / Aileen Taliping

Comments

comments