Maaari nang pumasada ang mga jeep at UV Express sa oras na magsimula na ang ikalawang phase ng pagbabalik ng mass transport sa ika-22 ng Hunyo.
Ito ang inihayag ng Land Transportation Franchising and Regulatory Board (LTFRB).
Ayon kay LTFRB Chairman Atty. Martin Delgra III, bagamat maaari nang magbalik-kalsada ang mga jeep at UV Express na pumasada ay kailangan masunod pa rin ang limitasyon ng mga pasahero.
Ani Delgra, mahalagang makasunod sa physical distancing alinsunod na rin sa rekomendasyon ng Department of Health (DOH).
Sa ngayon ay nasa phase 1 pa ang Metro Manila kung saan ang mga tren, augmentation ng bus, taxi, Transportation Network Vehicle Service (TNVS), shuttle service at point-to-point (P2P) ang pinapayagang bumiyahe.