Aarangkada na sa mga kalsada ng Metro Manila at ilang lalawigan ang mga jeepneys na naaayon sa public utility vehicle modernization program ng pamahalaan.
Ayon kay Transportation Undersecretary for Roads, Tim Orbos, maliban sa Metro Manila, ang ilan sa mga bagong jeepneys ay ipakikilala na sa Mindoro, Nueva Ecija, Iloilo at gayundin sa Tacloban City.
Nilinaw ni Orbos na walang ipalalabas na bagong prangkisa ang pamahalaan para sa mga bagong jeepney bagkus papalitan lamang ang mga lumang may hawak ng mga prangkisa.
Iginiit ni Orbos na wala silang itinakdang itsura para sa modernong jeepney basta nakakasunod ito sa requirements tulad ng Euro-4 emission standards, dalawampu’t dalawang (22) seating capacity at dapat ay sa gilid ang pintuan.
—-
