Walang basehan ang mga pangamba ng Moro Islmaic Liberation Front (MILF) at Malacañang sa plano ni Senador Bongbong Marcos na gumawa ng substitute bill para sa panukalang Bangsamoro Basic Law (BBL).
Ayon kay Marcos, hindi naman ito nangangahulugan na ganap na isasantabi ang draft bill at bagong proposal na ang isusumite niya sa plenaryo.
Mayroon pa rin aniyang mga probisyon sa original version ang maisasaalang-alang at marami lang silang gustong babaguhin, pero hindi ito nangangahulugan na kanilang ire-rewrite ang BBL.
Ipinabatid ni Marcos na sa gagawin niyang substitute bill, gagawin nilang malinaw ang ilang malabong probisyon at kanilang ia-address ang mga natukoy ni Senador Miriam Defensor-Santiago na mga unconstitutional provisions ng BBL.
By Meann Tanbio | Cely Bueno (Patrol 19)
