Inamin ni Senador Grace Poe na nasaktan siya sa pagtawag sa kanya ni dating Congressman Jacinto Paras na ambisyosa.
Ayon kay Poe, mistulang pinalalabas na wala ng karapatang mangarap ang ibang tao para manilbihan sa bayan.
Sa oras na tuluyan siyang sampahan ng disqualification case ni Jacinto, sinabi ni Poe na pagkakataon ito para maidepensa ang kanyang sarili at patunayang wala siyang itinatago at nirerespeto niya ang mga umiiral na batas sa bansa.
Idinagdag pa ni Poe na kapag malapit na ang filing ng certificate of candidacy, saka niya i-aanunsyo sa publiko kung tatakbo ba siya o hindi sa mas mataas na posisyon sa gobyerno.
By Meann Tanbnio | Cely Bueno (Patrol 19)
