Nagbabala sa publiko ang isang infectious disease expert kaugnay sa posibleng pagkalat ng Legionnaires Disease na unang naitala sa Argentina.
Ayon kay Dr. Rontgene Solante, miyembrong vaccine expert panel, bagaman wala pang kaso ng naturang sakit sa Pilipinas, hindi malayong makapasok ito sa bansa kung hindi mag-iingat ang publiko.
Matagal anya ang nagiging epekto sa tao ng naturang karamdaman na nagdudulot pa ng Pneumonia.
Karaniwang tinatamaan nito ang mga taong may comorbidities, chronic lung disease at immunocompromised individuals.
Para maiwasan, regular na maglinis ng water at piping system sa mga gusali, panatilihing malusog ang katawan at uminom ng gamot para sa mayroong hypertension at diabetes.