Libu-libong anti-government protesters ang maglulunsad ng kanilang malawakang demonstrasyon sa Bangkok, Thailand, ngayong araw.
Ito’y bilang bahagi ng ika-apat na anibersaryo ng 2014 coup d’etat na nagresulta sa pag-take over ng Thai military sa gobyerno.
Iginigiit ng mga demonstrador sa military government ang pagsasagawa ng general election sa Nobyembre bilang bahagi ng pagpapanumbalik sa demokrasya.
Binalaan ng Thai police ang mga raliyista na umiwas sa mga itinalagang “No-Go Zone” at huwag ng sumuway sa Junta Ban sa mga public gathering.
Samantala, nagtayo na ng mga barrier sa mga kalsada malapit sa isang pamantasan sa Bangkok kung saan inaasahang magpupulong ang organizer ng rally.
—-