Planong baguhin ni Davao City Mayor Rodrigo Duterte ang konstitusyon sakaling tuluyan na itong maiproklamang bagong pangulo ng Pilipinas.
Ayon Peter Laviña, spokesman ni Duterte, maituturing na major rewriting ng konstitusyon ang nais ni Duterte dahil gusto nitong baguhin ang sistema ng pamahalaan, sa parliamentary system of government.
Sinabi ni Laviña na magkakaroon ng malawakang konsultasyon hinggil sa planong ito ni Duterte na sisimulan nila sa pagpapatawag ng constitutional convention ng Kongreso.
Batay sa pinakahuling resulta ng unofficial tally ng mga boto, hindi bababa sa 5 milyong boto na ang lamang ni Duterte sa pumapangalawa sa bilang na si Secretary Mar Roxas.
By Len Aguirre
