Higit 100 mga OFW o Overseas Filipino Workers mula sa Abu Dhabi, United Arab Emirates ang bumalik sa bansa ngayong araw.
Sinalubong ng OWWA repatriation team ang mga balik manggagawa kasama si DFA Secretary Alan Peter Cayetano.
Ayon kay Cayetano, kabilang sa mga dumating ay ang mga OFW na nakaranas ng pag abuso at iba pang pagmamalatrato mula sa kanilang mga employer.
Siniguro ng kalihim na mabibigyan ng kaukulang livelihood at cash assistance ang mga OFW para sa kanilang muling pagsisimula dito sa bansa.
