Tila pinaglalaruan lamang umano ng LTFRB o Land Transportation Franchising and Regulatory Board ang publiko dahil sa kaliwa’t kanang eksperimento nito sa sektro ng transportasyon.
Ito’y ayon kay ACTS OFW Partylist Rep. John Bertiz sa harap na rin ng patum-patong na reklamo ng mga komyuter na siyang tinatamaan ng mga eksperimento ng ahensya.
Babala ng mambabatas, ipapanawagan niya kay LTFRB Chairman Martin Delgra ang pagbibitiw nito kung walang maging magandang resulta ang mga ginawa nitong social experiments.
Partikular na binabatikos ng mambabatas ang aniya’y tila pangungunsinti ng LTFRB sa mga taxi drivers na aniya’y lantarang nang-aabuso sa mga kababayang Pinoy partikular na sa mga OFW na nagbabalik bansa.
By Jaymark Dagala
SMW: RPE