Ipinag-utos na ni Justice Secretary Vitaliano Aguirre ang pagpapalabas ng lookout bulletin laban sa dating driver / bodyguard ni Senadora Leila de Lima na si Ronnie Dayan.
Ito’y sa sandaling hindi pa rin lumutang si Dayan upang humarap sa pagdinig ng mababang kapulungan kaugnay sa illegal drug trade sa New Bilibid Prison o NBP.
Sa ilalim nito, aatasan ang lahat ng Immigration officers na ipaalam sa DOJ at sa NBI kung magtatangka si Dayan na umalis palabas ng bansa.
Bagama’t hindi maaaring pigilan si Dayan kahit may lookout bulletin laban dito, tiyak na malalaman naman ng gobyerno ang mga kilos nito at kung saan ito unang tutungo.
By Jaymark Dagala | Bert Mozo (Patrol 3)