Libu-libong trabaho ang naghihintay para sa mga Pinoy sa Japan at Estados Unidos.
Ayon sa Philippine Overseas Employment Administration o POEA, nasa 5,000 bakanteng posisyon ang maaaring aplayan ng mga manggagawang Pinoy partikular ang mga welders at frame cutters.
Maaarting sumahod ang mga matatanggap na manggagawa ng P52,000 hanggang P62,000 kada buwan.
Inaasahan ding mas dadami pa ang magbubukas na trabaho para sa mga Pinoy sa Nobyembre sa oras na mapirmahan ang memorandum of understanding sa pagitan ng Pilipinas at Japan.
Samantalang sa Amerika naman, nasa 3,600 physiotherapist at physical therapist ang kinakailangan.
—-