Pansamantalang ipatutupad ni Manila City Mayor Honey Lacuna ang liquor ban mula Sabado, Enero a – syete hanggang Lunes, Enero a – nwebe o sa mismong araw ng pista ng itim na Nazareno.
Ito’y upang mapanatili ang kapayapaan at kaayusan habang idinaraos ang mga aktibidad sa nabanggit na pagdiriwang.
Kanselado rin ang in-person at online classes sa pribado at pampublikong eskwelahan maging trabaho sa gobyerno upang pahintulutan ang mga debotong makiisa sa mga aktibidad.
Samantala, ipinauubaya na ng Manila Local Government Unit (LGU) sa pribadong sektor ang pagsususpinde ng trabaho sa kanilang mga tanggapan. – sa panulat ni Hannah Oledan
