Muling magsasagawa ng convoy dry-run ang Metropolitan Manila Development Authority o MMDA bukas, October 22, 2017 bilang paghahanda para sa ASEAN Summit sa Nobyembre.
Batay sa abiso ng MMDA, magsisimula ang convoy mula Clark sa Pampanga hanggang sa Philippine International Convention Center o PICC sa CCP Complex, Pasay City.
Apektado ng dry-run ang mga pangunahing kalsada sa Metro Manila kabilang ang kahabaan ng EDSA mula Balintawak hanggang Magallanes, Diokno Boulevard, Pasay Road mula Edsa patungong Skyway, Roxas Boulevard at CCP Complex.
Dahil dito, sinabi ng MMDA na asahan na ang stop and go traffic movement sa naturang mga kalsada.
—-
