Nakatakda ng isapubliko ng Philippine Drug Enforcement Agency ang listahan ng halos 300 Barangay officials mula Eastern Visayas na sangkot umano sa illegal drugs trade.
Ayon kay PDEA DIr. Gen. Aaron Aquino, ilalantad ang mga nasabing Barangay Chairmen at Kagawad upang hindi na ihalal ang mga ito ng mga botante sa Barangay at Sangguniang Kabataan elections sa Mayo 14.
ang 289 anyang barangay officials ay kabilang sa narcolist na isinumite sa Office of the President at PDEA.
Sa pagbisita ni Aquino sa Barangay Candahug Palo sa Tacloban City, Leyte para sa pagbubukas ng PDEA regional office, ini-anunsyo ng opisyal na nalinis na nila laban sa iligal na droga ang nasa isanlibo animnaraang barangay mula sa tinatayang dalawanlibo limandaang barangay sa region 8 o Eastern Visayas.